Olmadan

|

 

Vâsıl olmaz kimse Hakk’a cümleden dûr olmadan

Kenz açılmaz şol gönülde tâ ki pür-nûr olmadan

*

Sür çıkar gayrı gönülden tâ tecellî kıla Hak

Pâdişâh konmaz sarâya hâne ma’mûr olmadan

*

Mest olan mestâne geldi tâ ezelden tâ ebed

İçdiler ‘aşkun şarâbın âb-ı engûr olmadan

*

Mest olanlarun kelâmı kendüden gelmez velî

Pes ene’l-Hak nice söyler kişi Mansûr olmadan 

*

Dost cemâlin Kâ’besini kıldı ‘âşıklar tavâf

Yirde Kâ’be gökyüzünde Beyt-i Ma’mûr olmadan

*

“Mûtû kable en-temûtû” sırrına mazhar düşen

Gördü anlar haşr ü neşri nefha-i sûr olmadan

*

Bir devâsız derde düşdü bu dil-i Şemsî müdâm

Hakk’a makbûl olmak ister halka menfûr olmadan

*

Derdi çok dervîşlerin şerh idemez illâ velî

Söylemek terk-i edebdür ana destûr olmadan

  Şemseddîn Sivasî  

Benzer Yazılar